sábado, 28 de noviembre de 2015

27 de novembro de 2015. Un día para lembrar na loita das ensinanzas artísticas superiores pola súa adscrición e integración na universidade

A Universidade está máis cerca para as ensinanzas artísticas superiores en Galicia

Grazas a Europa Press pola cobertura, por certo!!!

Convocado pola Plataforma Galega pola Adscrición e Integración das Ensinanzas Artísticas Superiores no Sistema Universitario Galego, note, día 27 de novembro, celebrouse no Salón de Actos da Facultade de Ciencias da Educación da Universidade de Santiago de Compostela (antigua Escola de Maxisterio, o que non deixa de ser un símbolo, e unha metáfora), un acto en defensa da adscrición e posterior integración das ensinanzas artísticas superiores na universidade.


Camiño de Compostela, no autobús

O acto contou coa asistencia dunha nutrida representación de alumnado dos centros que integran a Plataforma (Conservatorio Superior de Música da Coruña, Conservatorio Superior de Música de Vigo, Escola Superior de Arte Dramática de Galicia e Escola Superior de Conservación e Restauración de Bens Culturais de Galicia). Tamén contou coa asistencia de representantes das forzas sindicais que integran a Plataforma: Confederación Intersindical Galega (CIG-Ensino), Comisións Obreiras (Federación do ensino), FETE-UGT, e Sindicato Galego de Traballadoras e Traballadoras do ensino.

O acto, cun formato moi sinxelo, contou coa participación de alumnado do Conservatorio Superior de Música da Coruña (cun magnífico grupo de Jazz), cunha colaboración entre alumnado da ESAD de Galicia e da ESCRBC de Pontevedra que realizaron unha acción escénica breve moi espontánea e divertida que culminou co berro unánime da xornada (“Somos Universidade”), e rematou cunha breve peza para violíns interpretada por tres alumnas do Conservatorio Superior de Música de Vigo (excelente!). Toda unha mostra do saber facer dun alumnado que loita por unha formación de calidade no seu propio país.


O alumnado toma a palabra, para dicir "Somos Universidade"

De calidade e de país falaron os representantes do alumnado, verdadeiros artífices do acto, no que destacaron o feito de que elas e eles son os axentes culturais necesarios para facer e crear cultura, e para mantela e conservala, pero tamén para proxectala no mundo e facer de Galicia unha terra das artes. Lamentaron as moitas precariedades que padecen os centros e que tanto afectan a súa formación, mostraron o seu estupor e sorpresa diante da negativa do goberno de Galicia e do Estado para dar solución a un problema que lles afecta gravemente na formación, nas mobilidades e no emprego, e reafirmaron unha vez máis o seu desexo de ser universidade.

Finalmente subiron ao estrado os representantes das forzas políticas que apoian as reivindicacións da Plataforma: Xavier Ron, por AGE, Xavier Vence e Cosme Pombo polo BNG, Zeltia Martínez López por Compromiso por Galicia, Breogán Riobó por PODEMOS, María Concepción Burgo López e Guillermo Meijón polo PSdG-PSOE, e Javier Lojo por UPyD.

DECLARACIÓN DO 27 DE NOVEMBRO DE 2016
POLA ADSCRICIÓN DAS ENSINANZAS ARTÍSTICAS SUPERIORES Á UNIVERSIDADE

Desde hai varios anos, a Plataforma Galega pola Adscrición e Integración das Ensinanzas Artísticas Superiores no Sistema Universitario Galego vén reclamando iniciar o proceso voluntario de adscrición universitaria de tales ensinanzas. Como resposta a decisións democráticas nos respectivos órganos de goberno, na Plataforma intégranse centros superiores de titularidade pública (Conservatorios Superiores de Música da Coruña e de Vigo, a Escola Superior de Arte Dramática e a Escola Superior de Restauración e Conservación de Bens Culturais), as asociacións de estudantes dos mesmos, e os sindicatos CIG, CCOO, STEG e FETE-UGT.

Entendendo que se trata dunha reclamación lexítima, que só pode redundar na posta en valor das ditas ensinanzas, e na mellora da situación do alumnado, do profesorado, dos centros e dos servizos que estes prestan á sociedade, as forzas políticas que máis abaixo subscriben, acordan trasladar esta demanda ao Congreso dos Deputados e Deputadas e propoñer unha normativa que articule esta posibilidade xa contemplada na LOE, e ao mesmo tempo iniciar o proceso de adscrición en Galicia no curso escolar 2016-2017 no suposto de que as mesmas teñan maioría suficiente no Parlamento de Galicia tralas eleccións autonómicas de 2016.

Foi o momento crucial do acto, e unha vez estampada a última sinatura, todo o auditorio, posto en pé, aplaudiu con forza o xesto dunhas forzas políticas que están coa cidadanía e coas súas lexítimas demandas, ben lonxe dos intereses que semellan agochar outras forzas, seguramente fortalecer a oferta en ensinanzas artísticas superiores dos centros universitarios privados.




Momento da sinatura da Declaración de Compostela

Rematado o acto todos os representantes das forzas políticas reafirmaron ante o alumnado e a prensa o seu compromiso para defender a proposta no Congreso dos Deputados e Deputadas de Madrid despois do 20D, e no Parlamento de Galicia, agora e despois das eleccións autonómicas de 2016 (como xa veñen facendo nestes anos).

Os representantes do alumnado sinalaron que este é o primeiro dos actos que se van celebrar en Galicia en defensa da adscrición e anunciaron novas iniciativas para os próximos meses. Igualmente informaron de que están establecendo contacto con alumnado de centros do resto do Estado, que tamén está reclamando a mesma medida, para comezar unha gran mobilización a nivel peninsular desde a Plataforma Estatal.

E todo isto acontecía no día en que Cosme Pombo, parlamentario do BNG no Parlamento de Galicia presentaba unha proposta a favor da adscrición na Mesa de Educación e Cultura, que era contestada polo deputado do Partido Popular Hipólito Fariñas Sobrino; unha resposta a deste deputado que demostra varias cousas: (1) que cando fala de ensinanzas artísticas non sabe do que está a falar (o que é especialmente grave) e (2) que o Partido Popular a día de hoxe carece de argumentos para defender unha postura que curiosamente contradí o que este partido proclamaba no seu programa de 2008. Debería saber o tal Fariñas Sobrino, el tan británico, que universidades tan prestixiosas como Yale University ou Stanford University contan con escolas de ensinanzas artísticas, ou que a Escola Naval de Marín está adscrita á Universidade de Vigo. Simple desprezo polas ensinanzas, pola arte e pola cultura? Simple ignorancia? Misterios sen resolver.

Que por certo, o mundo debe andar ao revés, porque en Andalucía, o Partido Popular, o mesmo do Sr. Fariña, pide xusto o contrario, como podemos ler nesta nova.



En calquera caso, as ensinanzas artísticas superiores, cedo ou tarde, serán universitarias. É magoa tanto tempo que se está a perder, pero todo chegará. Sopran ventos de cambio e de remuda en toda Galicia, en toda España, e co cambio e coa remuda chegará o que ten que chegar: 

SOMOS UNIVERSIDADE !!!

martes, 24 de noviembre de 2015

A caste e a universidade das artes

En diversos foros, os de sempre (ACESEA e amigos de todo o Estado), seguen a cuestionar a adscrición e insisten en crear universidades das artes (en Murcia para 900 alumnos/as). Ante semellante tontería, a Plataforma Galega elaborou un documento que vén de publicar a revista Docenotas e que paga a pena ler.

viernes, 30 de octubre de 2015

Sinaturas a favor da adscrición das ensianzas artísticas superiores á Universidade. Sinaturas pola dignidade

En 2012 a Plataforma Estatal pola Adscrición e Integración das Ensinanzas Artísticas no sistema universitario lanzou unha campaña de recollida de sinaturas que en poucos meses chegou á cifra de 12.500. E segue medrando.

Volvemos recuperar a campaña dado que nos próximos meses se vai decidir o futuro que poidan ter estas ensinanzas. 

Se queres que as ensinanzas artísticas superiores sexan universitarias tes dúas dúas opcións:

1. SE XA ASINACHES, BUSCA PERSOAS QUE ASINEN
2. SE NON ASINACHES, ASINA E LOGO VAI AO PUNTO 1.


Se necesitas información, non deixes de visitar o blog da Plataforma Estatal. Atoparás argumentos de sobra para ver que a Universidade é a única opción.

Pola adscrición das ensinanzas artísticas superiores á universidade

A Plataforma Galega pola integración das ensinanzas artísticas no sistema universitario galego incia neste mes de novembro de 2015 diferentes actividades orientadas a que no curso escolar 2016-2017 as ditas ensinanzas inicien o proceso de adscrición. Para iso fai público un documento que asinarán diferentes forzar politicas nun acto que se vai celebrar en Compostela o 27 de novembro de 2015.

Ao mesmo tempo as asembleas e asociacións de estudantes desenvolverán diferentes accións na mesma dirección, de forma coordinada con outras asociacións e asembleas do resto do Estado. Comezamos a loita. Súmate.


DECLARACIÓN DO 27 DE NOVEMBRO DE 2016
POLA ADSCRICIÓN DAS ENSINANZAS ARTÍSTICAS SUPERIORES Á UNIVERSIDADE

Desde hai varios anos, a Plataforma Galega pola Adscrición e Integración das Ensinanzas Artísticas Superiores no Sistema Universitario Galego vén reclamando iniciar o proceso voluntario de adscrición universitaria de tales ensinanzas. Como resposta a decisións democráticas nos respectivos órganos de goberno, na Plataforma intégranse centros superiores de titularidade pública (Conservatorios Superiores de Música da Coruña e de Vigo, a Escola Superior de Arte Dramática e a Escola Superior de Restauración e Conservación de Bens Culturais), as asociacións de estudantes dos mesmos, e os sindicatos CIG, CCOO, STEG e FETE-UGT.
Entendendo que se trata dunha reclamación lexítima, que só pode redundar na posta en valor das ditas ensinanzas, e na mellora da situación do alumnado, do profesorado, dos centros e dos servizos que estes prestan á sociedade, as forzas políticas que máis abaixo subscriben, acordan trasladar esta demanda ao Congreso dos Deputados e Deputadas e propoñer unha normativa que articule esta posibilidade xa contemplada na LOE, e ao mesmo tempo iniciar o proceso de adscrición en Galicia no curso escolar 2016-2017 no suposto de que as mesmas teñan maioría suficiente no Parlamento de Galicia tralas eleccións autonómicas de 2016.

martes, 28 de abril de 2015

ensinanzas artísticas superiores e ensino privado

A veces unha imaxe vale máis que mil palabras e coa que nos envía Patricia, integrante da Plataforma Galega pola Adscrición / Integración das Ensinanzas Artísticas Superiores na Universidade abonda para termos argumentos e reclamar a inmediata adscrición á Universidade das EEAASS. Como é posible que a Universidade Alfonso X el Sabio poida ter un grao en ensinanzas artísticas, posgraos e doutorados, e os centros públicos non?

O Partido Popular debería responder desta falta de lealdade co ensino público.

sábado, 7 de febrero de 2015

Ensinanzas Artísticas Superiores: camiño da Universidade


PLATAFORMA GALEGA POLA ADSCRICIÓN/INTEGRACIÓN DAS EEAASS Á UNIVERSIDADE
ACTA XUNTANZA 24-01-2015


No día 24 de xaneiro de 2015, entre as 11:00 e as 13:00, celebrouse en Santiago de Compostela una xuntanza da Plataforma Galega pola Adscrición e Integración das ensinanzas artísticas superiores na Universidade:

CIG
CCOO
BNG
AGE
PODEMOS
Asemblea Aberta a favor da Integración na Universidade das EEAASS
CONFAPA
CSM A Coruña 
CSM Vigo 
ESAD 
ESCRBC Galicia 

(Desculparon a súa ausencia PSdG-PSOE, STEG e ACRE).

Situación actual
Perspectivas de futuro a nivel autonómico e estatal
Accións a emprender
Demandas diante do proceso electoral de 2015


SITUACIÓN ACTUAL

No primeiro punto analizouse a situación de absoluta falta de iniciativa das autoridades académicas e das administracións educativas nos tres anos que median entre a publicación da sentenza do Tribunal Supremo en xaneiro de 2012 e xaneiro de 2015.

A única novidade ten que ver co feito de que en Cataluña as ensinanzas artísticas sufrisen un proceso de verificación e que en Galicia se teña iniciado o proceso para que a ACSUG pola súa vez verifique as titulacións. Unha cuestión polo demais necesaria toda vez que a normativa actual xa o contempla e sendo de obrigado cumprimento.

Sen embargo, constátase de que a día de hoxe, a título de exemplo, non se teñen posto en marcha medidas orientadas a:
  • Dotar aos centros dunha normativa de funcionamento concordante coas ensinanzas superiores que imparten, e que permita que o alumnado poida exercer os seus dereitos de idéntica forma e con procedementos similares.  
  • Garantir a igualdade de oportunidades do alumnado en cuestións tan importantes como avaliación, becas, axudas ao estudo, residencias, axudas ERASMUS
  • Promover que, como establece a lexislación vixente, os centros desenvolvan liñas específicas de investigación, e de fomento da creación nos casos en que proceda. A normativa establece que os centros deberán integrarse no Sistema Español de Ciencia e Tecnoloxía, sen que a día de hoxe se teña feito nada para iniciar a creación de grupos de traballo.
  • Promover a estabilidade do profesorado e a súa carreira profesional de acordo coa natureza superior das ensinanzas que imparte. A ese fin o profesorado poder obter a titulación de doutor/a e ver recoñecido o seu estatuto investigador, condición fundamental para promover a investigación, a creación de equipos e lograr esa integración no Sistema Español de Ciencia e Tecnoloxía.
  • Dotar aos centros das infraestruturas, recursos e dotacións propios dun centro de ensinanzas superiores. 
  • Garantir que o alumnado galego poida realizar os estudos de grao e posgrao no seu país o que implica promover un percorrido formativo que vaia do título de graduado/a ao título de doutor/a. Se ben iso esixe contar cun número maior de doutores/as nos centros tamén compete á administración educativa dar pasos nesa dirección con medidas específicas que faciliten o traballo do profesorado nesa dirección.
  • Garantir igualmente que os centros galegos poidan ofrecer un percorrido formativo completo con índices de calidade e excelencia propios de calquera outro país, un desafío que supón unha aposta conxunta que debe nacer do diálogo, da confianza e do traballo en común entre centros e administracións.
  • Publicar a normativa relativa ao Suplemento Europeo do Título.
A única novidade que se anuncia, e que se coñece por vía sindical, é que o Consello de Ministros vén de aprobar ou está a punto de facelo, o Real Decreto que substitúe o RD 1614/2009, e no que ao parecer tan só se produce a corrección na denominación dos títulos. É dicir, onde se dicía grao vaise dicir titulo superior.

A Plataforma constata unha absoluta inacción por parte da administración estatal e autonómica, malia a vontade expresada en diferentes momentos de colaborar e traballar lealmente a prol da plena integración das EEAASS no EEES. Esa inacción é aínda máis evidente toda vez que as organizacións sindicais integradas na Plataforma teñen presentado en diferentes mesas de traballo coa Consellería a necesidade de iniciar a senda da adscrición diante do feito de que a ninguén prexudica. 

PERSPECTIVAS DE FUTURO A NIVEL AUTONÓMICO E ESTATAL

A Plataforma solicitará unha entrevista coa persoa que asuma a Consellería Cultura, Educación e Ordenación Universitaria unha vez se produza o relevo apuntado por fontes autorizadas (no momento de redactar esta acta este relevo está xa corroborado e previsto para días inmediatos). Para esa xuntanza vaise elaborar un pequeno informe que dea conta de cómo a anunciada equivalencia de titulacións non é tal, o que prexudica notablemente as persoas con titulación superior fronte ás que posúen un título de grao.

Debe trasladarse aos grupos políticos que participen nas eleccións xerais de 2015 a necesidade dun compromiso para que o próximo goberno, de forma inmediata trala súa constitución, promulgue un Real Decreto de adscrición das ensinanzas que xa contemple a posibilidade de integración nos casos en que sexa factible, e un Plan de financiamento. Con tal motivo desde a Plataforma Galega se van elaborar borradores que poidan servir como documentos de traballo, no noso país e no estado.

En consecuencia cómpre fortalecer a Plataforma Galega e recuperar a actividade na Plataforma Estatal, para que de forma conxunta se poidan promover accións, iniciativas e actividades orientadas a situar o problema na axenda política e defender os postulados propios de ambas Plataformas.

Tamén se acorda que desde AGE e desde o BNG se tramite que no Congreso dos Deputados/as  se presenten resolucións coa mesma finalidade: que cada grupo parlamentario se defina e concrete a súa posición, e tamén como forma de darlle visibilidade ao problema.

Na mesma dirección, a de visibilizar de novo o problema, os grupos do Parlamento de Galicia que apoian as demandas da Plataforma presentarán mocións, propostas ou iniciativas en función das temáticas e problemáticas máis importantes, xa sinaladas máis arriba.

Hai constancia de que desde ACESEA (Asociación Centros de Ensinanzas Artísticas Superiores) se están iniciando contactos na dirección contraria. Lograr que o próximo goberno devolva a titulación de grao, e pouco máis. 

ACCIÓNS A EMPRENDER

Ademais das xa sinaladas a Plataforma acorda realizar as seguintes accións:

Crear en cada centro unha comisión de traballo que analice a súa situación en base aos parámetros que seguen: (1) dotacións, recursos, infraestruturas e necesidades; (2) problemáticas específicas derivadas dunha normativa inadecuada e que van da participación da comunidade na xestión do centro ao problema dos posgraos; (3) problemáticas que afectan ao alumnado; ademais de nomeadamente a cuestión da titulación, acceso a residencias, bolsas e axudas de estudo, transportes, equipamento informático, bibliotecas, etc. (4) necesidades de persoal e situación do existente: estabilidade, carreira profesional e investigadora, etc. Esta comisión debería elaborar un informe exhaustivo, rigoroso e preciso para destacar as necesidades que debería atender un Plan de financiamento.
   
Colaborar activamente entre os centros da Plataforma para poder contar canto antes coa Memorias Verifica e os Sistemas de Garantía Internos de Calidade, compartindo recursos, materiais e ferramentas.
        
Establecer contactos con persoas doutras Comunidades Autónomas coa finalidade de recuperar a importancia do problema a nivel estatal.

Promover as relacións entre as asociacións e asembleas de alumnado das EEAASS e entidades similares na Universidade coa idea de estender na Universidade a idea da adscrición e da integración.
       
Celebrar unhas xornadas de estudo nas que se analice a situación actual e se expoña a posición da Plataforma mediante un documento marco que se poida trasladar ás forzas políticas. Convidar á administración educativa a estar presente nesa Xornada e a defender a súa posición contraria á adscrición.  A organización destas xornadas correrá a cargo da Asociación Socio-Pedagóxica Galega (ASPG) e Nova Escola Galega (NEG). 

DEMANDAS DIANTE DO PROCESO ELECTORAL DE 2015

Como xa se dixo para este ano de 2015 a Plataforma Galega deberá trasladar aos grupos políticos do país que concorran ás eleccións xerais de 2015 a petición de que no seu programa de goberno inclúan eses dous puntos antes citados:

Publicación dun RD de adscrición e integración no seu caso.
       
Deseño dun Plan de Financiamento en colaboración coas Comunidades Autónomas.
       
Dar publicidade a accións, actividades e outras cousas nas redes sociais. Na actualidade desde ambas Plataformas vense traballando cos blogs: